韓味屋 (已結業)

琴日突然之間想食韓國菜，所以就入咗呢一間舖頭仔。間鋪真係好細，燈光偏暗，其實感覺都唔太舒服，同埋都幾迫㗎，要同人地搭枱，然後啲外賣餐具又堆曬喺我隔離張枱，俾我嘅感覺好壓迫。啲服務態度真係麻麻，我嗌左個燒五花肉定食，個五花肉真係好多份量，有成四大條，但個味道就真係唔合我口味，太多肥豬肉，燒到有啲又燶又乾，我好多舊都咬咗一兩啖就冇食到，其實最尾變咗係主要食白飯。。而佢嗰杯茶其實係有啲甜味，唔知係咪加咗啲紅棗呢，但其實唔係幾好飲，再加上食緊d油膩嘅嘢，再飲埋杯咁甜嘅水，其實有啲弄巧反拙！總體而言，價錢唔親民，環境唔舒服，嘢食唔啱食，服務態度麻麻，我琴日一路食一路諗下次應該唔會再來呢間了。。。