影片
更多
2016-11-07
1097 瀏覽
深水埗茶記或者中菜一啲都唔難搵，但要好食就唔係好易搵到，中過伏好多次，今次呢間睇落唔起眼既餐室竟然令人有驚喜喎！！！呢到點餐選擇好多，喜愛潮州食物既有滷水拼盤或小炒，中意食返普通小菜或炒粉面飯既又有幾多選擇，如果想食雞煲打邊爐呢到都可以滿足到，搞到黑洞點餐時都揀左好耐。潮州蠔仔肉碎粥$33：蠔仔粥可以話係潮州食物必叫之選，煮得香綿糊狀，蠔仔量多，反而肉碎呢啲配角少啲，整體不錯！海南雞 半隻$98：真係估唔到係呢啲中式菜館竟然會有海南雞叫，更估唔到既係竟然會係咁高質，本身想叫海南雞飯餐六十幾蚊，但同朋友想試多啲雞所以淨叫雞，點知一拎到黎大碟到爆！半隻雞已經咁大隻...成個family分黎食都仲得呀！！雞件全部好厚肉，但肉質好鮮嫩，完全無雪雞味，比起好多以海南雞飯做招牌既餐廳都高質，記得以前學煮過海南雞，先明白要煮出滑嫩鮮雞揀選雞既來源係好重要，呢到唔洗一百蚊食到咁高質既雞的確好抵！朋友食完話要同屋企人黎試下~咕嚕魚 $88：呢到有好多家常小菜選擇，六十幾蚊左右，由於我係個咕嚕控，朋友就陪我食呢個咕嚕魚，如果係咕嚕肉就完美喇，可惜佢無~ 量多不在話下，醬汁酸甜度適中，配料有齊菠蘿洋蔥甜椒等
呢到點餐選擇好多，喜愛潮州食物既有滷水拼盤或小炒，中意食返普通小菜或炒粉面飯既又有幾多選擇，如果想食雞煲打邊爐呢到都可以滿足到，搞到黑洞點餐時都揀左好耐。
潮州蠔仔肉碎粥$33：蠔仔粥可以話係潮州食物必叫之選，煮得香綿糊狀，蠔仔量多，反而肉碎呢啲配角少啲，整體不錯！
海南雞 半隻$98：真係估唔到係呢啲中式菜館竟然會有海南雞叫，更估唔到既係竟然會係咁高質，本身想叫海南雞飯餐六十幾蚊，但同朋友想試多啲雞所以淨叫雞，點知一拎到黎大碟到爆！半隻雞已經咁大隻...成個family分黎食都仲得呀！！
雞件全部好厚肉，但肉質好鮮嫩，完全無雪雞味，比起好多以海南雞飯做招牌既餐廳都高質，記得以前學煮過海南雞，先明白要煮出滑嫩鮮雞揀選雞既來源係好重要，呢到唔洗一百蚊食到咁高質既雞的確好抵！朋友食完話要同屋企人黎試下~
咕嚕魚 $88：呢到有好多家常小菜選擇，六十幾蚊左右，由於我係個咕嚕控，朋友就陪我食呢個咕嚕魚，如果係咕嚕肉就完美喇，可惜佢無~ 量多不在話下，醬汁酸甜度適中，配料有齊菠蘿洋蔥甜椒等，主角魚肉多過十件，全部都無雪味，屬於脆漿薄身，但個人認為咕嚕係汁加埋脆厚既炸漿皮先係王道！！！所以呢個就唔合我心水，我諗岩啲中意無咁熱氣既朋友喇~~
白汁芝士海鮮焗飯 $65：見到呢到有埋各種焗飯叫當然唔會錯過，但黎左咁多碟餸先知原來咁大碟，最後黎既呢個焗飯份量更加貫切呢到大碟既習慣，呢到焗飯如果係兩個細食既女仔share都肯定夠飽，黑洞都真係要投降難得係呢到價錢既焗飯無論飯底，餸同汁同樣超水準，飯是炒飯底兼有調味，唔係果啲白飯仲要焗到淋哂，海鮮唔係求奇平貨急涷海鮮，見到大大隻青口同埋大蝦都有幾隻，加埋鮑魚片（當然唔係真果啲鮑魚）同埋魚柳兩大件魷魚等等，六十幾蚊面仲比埋芝士焗，仲可以要求啲咩！！！！
兩個人 三百蚊都唔洗 食到咁既質素同埋連黑洞都要講聲 飽！！！不過位置比較迫夾，大家遷就下~
張貼
