廚十三老壇酸菜魚 (譽發廣場) (已結業)

同朋友食生日飯，佢就揀左食酸菜魚，我搵過呢一間廚十三老壇酸菜魚係最多人推介，話晒生日梗係要揀番間好啲嘅嚟食啦😍麻辣砵砵雞有勁多唔同嘅嘢，入面包括牛展，牛肚，牛脷，鵪鶉蛋，萵筍片，土豆片，雞腳。呢個最啱同朋友share大家可以揀自己鍾意嘅嘢食，麻辣味十分濃郁，全部配菜都好入味。碧綠脆筍爽脆又清甜，點都要食下啲菜嘅。蔥油撈豬肚超香蔥油味，豬肚口感十分之爽口。老壇酸菜魚大大盤，超級抵食 。個朋友食完都覺得好正，我哋個個都一條骨都食唔到，真係啖啖肉，魚肉仲好滑添。酸辣調節得啱啱好，仲要一啲油膩感都冇。