影片
更多
2022-10-15
722 瀏覽
呢間不嬲都係長龍店，搬咗新舖之後聽講條龍短左啲（但係實測都係七點未到已經要等位）食完明白點解會咁墟冚，份量大價錢平質素高（環境方面就頹小小）二百幾蚊係捧住個肚仔走，真係大滿足（溫馨提示：千祈唔好諗住幾廿蚊叫多兩個前菜，佢哋啲前菜都係份量十足，唔好做眼闊肚窄大嘥鬼）嚟到必須要order名物燒牛肉，食肉獸覺得五成熟啱啱好，粉紅嫩嫩的牛燒得香噴噴又有炭香味～食到停唔到口好多道餸菜都好精彩，精選啲特別吸引既介紹下:皮蛋炸蝦餅比平時淨炸蝦餅更加滋味，出面係香脆蝦餅入面係軟綿綿既皮蛋，口感更為豐富生蝦超爽口彈牙，重點係要點埋個酸辣汁更加鮮美，仲有脆卜卜既炸蝦頭好食～一個價錢，兩種享受呢個炸鰂魚又係好癲，好多好多既魚肉炸到啱啱好，唔會炸到乾爭爭唔知自己食緊咩，再加好多好多既青木瓜沙律鋪係面，食落酸辣又開胃～呢個真係隱藏級唔係好多人叫，但絕對係正（諗吓，連叫青木瓜沙律既錢都慳埋，幾抵😂）呢度仲有少有既白灼螄蚶，口感嫩滑味道甘甜整體全部食物都好味，性價比好高，值得再光顧（不過下次要控制下叫少啲嘢食）
嚟到必須要order名物燒牛肉，食肉獸覺得五成熟啱啱好，粉紅嫩嫩的牛燒得香噴噴又有炭香味～食到停唔到口
好多道餸菜都好精彩，精選啲特別吸引既介紹下:
皮蛋炸蝦餅比平時淨炸蝦餅更加滋味，出面係香脆蝦餅入面係軟綿綿既皮蛋，口感更為豐富
生蝦超爽口彈牙，重點係要點埋個酸辣汁更加鮮美，仲有脆卜卜既炸蝦頭好食～一個價錢，兩種享受
呢個炸鰂魚又係好癲，好多好多既魚肉炸到啱啱好，唔會炸到乾爭爭唔知自己食緊咩，再加好多好多既青木瓜沙律鋪係面，食落酸辣又開胃～呢個真係隱藏級唔係好多人叫，但絕對係正（諗吓，連叫青木瓜沙律既錢都慳埋，幾抵😂）
呢度仲有少有既白灼螄蚶，口感嫩滑味道甘甜
整體全部食物都好味，性價比好高，值得再光顧（不過下次要控制下叫少啲嘢食）
張貼
