為食龍 (已結業)

餐廳：為食龍地點：中環Soho區些利街菜式：特色日式餐廳餐牌：主打日式腐皮壽司。除左日式腐皮壽司，呢度仲有刺身，特式卷物，沙律，飯團，炸物，小食，串燒，飯及烏冬，甜品，同飲品。呢度都有酒飲。用餐時間90分鐘。Asahi $72 另加一先黎一杯Asahi，酒精濃度5.2%。用高身印有餐廳名既玻璃杯裝，好大杯，夠清涼易入口唔苦。夏威夷肥仔 半份 $78 另加一夏威夷肥仔即係秘製芝士鰻魚飯卷，一客4件，飯卷包住紫菜同鰻魚，忌廉芝士同青瓜絲，面頭加上大量芝士醬，蔥花同蟹子。醬汁味好香，醬汁極多，非常邪惡。炙燒沙律甜蝦腐皮壽司 $30 另加一炙燒沙律甜蝦腐皮壽司係腐皮包住壽司飯，面頭加上三隻甜蝦，同埋沙律醬，炙燒完好香，味道濃烈。餐廳播放輕鬆音樂，收工黎呢度鬆一鬆都幾好。