影片
更多
2023-09-04
188 瀏覽
好耐之前已經喺social media見到好多人去呢間位於荷李活道嘅樓上打卡Cafe，嗰時覺得影相一流，已經一早book mark左要搵一日去試吓啲嘢食如何。Cafe裝修簡約型格，我哋特別揀坐喺最多人影相打卡嘅吧枱位置，可以望住中環嘅街景食飯，感覺好relax。見到多數人都係下晝黎食，但我地今次揀左食dinner，可能因為咁所以我地去到時cafe算比較少人。<Avocado Toast 2.1>喺OpenRice見到好多人都叫呢個前菜。一上枱已經覺得賣相好精緻，有兩片嘅微微烘過既酸種麵包，另外仲有一個正方形嘅木盤裝住唔同配料，分別有牛油果蓉，Cherry pepper ，煙三文魚Tartare，菠蘿Salsa，水牛芝士。按自己喜好將唔同配料放上酸種麵包上面一齊食，味道酸酸甜甜，好有層次感。<Chicken & Waffle>真心有驚喜，唔好睇佢個名普普通通，其實面頭係醃得好惹味既Buttermilk炸雞，配上韓國泡菜，酸忌廉同埋辣醬，下面果層Croffle & Egg waffle就類似平時街邊食開嘅雞蛋仔，但係佢又做到真正嘅外脆內軟，而且一啲都唔乾身。
好耐之前已經喺social media見到好多人去呢間位於荷李活道嘅樓上打卡Cafe，嗰時覺得影相一流，已經一早book mark左要搵一日去試吓啲嘢食如何。
Cafe裝修簡約型格，我哋特別揀坐喺最多人影相打卡嘅吧枱位置，可以望住中環嘅街景食飯，感覺好relax。見到多數人都係下晝黎食，但我地今次揀左食dinner，可能因為咁所以我地去到時cafe算比較少人。
<Avocado Toast 2.1>
喺OpenRice見到好多人都叫呢個前菜。一上枱已經覺得賣相好精緻，有兩片嘅微微烘過既酸種麵包，另外仲有一個正方形嘅木盤裝住唔同配料，分別有牛油果蓉，Cherry pepper ，煙三文魚Tartare，菠蘿Salsa，水牛芝士。按自己喜好將唔同配料放上酸種麵包上面一齊食，味道酸酸甜甜，好有層次感。
<Chicken & Waffle>
真心有驚喜，唔好睇佢個名普普通通，其實面頭係醃得好惹味既Buttermilk炸雞，配上韓國泡菜，酸忌廉同埋辣醬，下面果層Croffle & Egg waffle就類似平時街邊食開嘅雞蛋仔，但係佢又做到真正嘅外脆內軟，而且一啲都唔乾身。將微辣嘅炸雞夾埋少少甜嘅waffle一齊食，有幾得意嘅Crossover效果，味道又估佢唔到出奇地夾，推薦。
<Grilled Wagyu Steak & Egg>
我地叫左Medium rare，牛扒色澤粉嫩，熟度拿捏得剛好，牛味濃郁，咬落去Juicy有肉汁。上面仲有一隻煎到燶邊嘅太陽蛋，篤穿隻太陽蛋，將牛扒撈埋蛋汁同埋旁邊嘅chimichurri醬汁一齊食，更加帶出牛扒嘅味道。牛扒係預先幫你切好晒一片片，啱晒我呢啲懶人。另外個薯條炸得熱辣辣，幾有水準。
<Oreo Croffle>
因為男朋友好鍾意食Oreo，一見到呢個甜品就決定要叫黎試試。佢係Oreo脆脆 + whipped cream + 吉士醬 + croffle + 雲呢拿雪糕，非常邪惡。佢連個雲呢拿雪糕都絕對冇Hea你，係好Rich好Creamy，奶味濃郁。
<Uji Matcha Latte><Premium Hojicha Latte>
飲品方面，我哋叫咗Matcha latte同Hojicha latte，揀凍既就會配埋雪糕。茶味濃郁，配埋雪糕都唔會太甜，幾啱我口味。
張貼
