正宗水上人蒸氣鍋專門店 (已結業)

走過厚福街既正宗水上人，發現原來lunch除左蒸野食，仲有小菜。小菜做緊半價，而蒸海鮮做緊7折，就上來試下喇。假日12點上到去，唔太多人，2人可以坐4人卡位。藤做既蒸籠，叫左啲點心同海鮮一陣蒸。有好多醬料提供，不過唔係免費，拎前記得要留意，如果唔係好似我咁收左錢都唔知。不過有幾款醬料好味，有湖南辣，重慶辣同泰式生蝦辣醬，點點心最好食。2粒麻辣燒賣，一個嬲豬豬酸奶包，一個荔枝醬既流心包。麻辣燒賣必食，好有麻香味。其餘兩款甜包口味獨特新穎，岩晒試新野既你，黑色午夜個包既質感幾特別，係甜左啲。蟲草花燉白肺湯。又係必點，足料好味，有豬肉豬肺，飲落又清甜，岩晒我呢啲成日咳既病患， 潤肺好味。雞汁脆笋。賣相雖然唔太討好，點知食落個味唔錯，唔 太鹹亦有雞汁嘅香味，啲笋食落好脆口，好似食菜咁好快食曬。回味辣子雞。想食啲辣野，呢碟辣味剛剛好，雞脆內 嫩滑，亦非常香口。豉油皇炒麵。第一次食咁幼既豉油皇炒麵，口感有啲怪，炒得幾香幾爽口。有蒜蓉醬撈埋一齊食，唔怕太乾入唔到口。蒜蓉醬好惹味，幾好食。有7折又口痕，少少地點左一隻蒜蓉粉絲蟶子同一隻中型花蟹仔。蟶子鮮甜入口，肉質鮮嫩有咬口。花蟹就淡啲，肉都甜都新鮮但