桃子Cafe (已結業)

今晚約左舊同事食飯，約左係大家都好就腳的旺角。上網揀左一陣，揀左依間桃子Café~原本以為係用桃做食材，但原來唔係，都唔緊要啦，試下無妨。餐廳位於通菜街，細細間，得數張枱。裝修較簡約，牆上有D飾物，簡單的佈置。依度係蛋包飯專門店，不過今晚唔想食飯，揀左龍蝦汁繪大蝦意粉 ($78)，仲加左一杯薄何朱古力。意粉配有4隻大蝦，晶螢爽口，而且意粉份量都好多，軟硬適中，龍蝦汁少少酸，唔會太稀又唔會太稠，都幾開胃。薄何朱古力的薄何味夠，但朱古味味就淡左少少，岩唔好太甜的客人。