影片
更多
2022-11-29
56 瀏覽
📍廢茶(葵芳)葵芳葵富路7號葵涌廣場2樓2009號舖我好耐都無飲過廢水喇，經過呢間叫"廢茶"嘅手搖杯店，比佢個招牌公仔"樹獺"吸引咗，喺一間賣台灣飲料嘅舖頭，仲有啲零食賣添👉特濃黑糖珍珠咖啡拿鐵 💰$36😋😋😋😋/5唔知係咪我小飲廢水啦，好小見黑糖珍珠配咖啡拿鐵，感覺會係幾好飲，所以就叫咗嚟試試佢。平時會走甜走冰嘅我同樣地向店員落單，點知原來係特定嘅，無得改。咁就豁出去，照落單。又真係幾好飲，咖啡味幾濃，啱哂我口味，黑糖唔會太甜，珍珠煙靭有口感，飲用前請先搖一搖，唔係嘅話直飲黑糖就會好甜嫁喇👉炭培烏龍茶 💰$20😋😋😋😋.3/5平時去廢水店只會叫純茶嘅我，今次嚟到都會叫返杯。一貫作風都係走甜走冰，咁先飲得出茶嘅味道。呢杯炭培烏龍茶，果然真係有炭燒嘅味道，有別於平時叫嘅炭培烏龍茶，茶味好濃。如果熱嘅話應該個炭燒味仲更加香，下次要試埋熱飲👉芋泥肉鬆手抓餅💰 $32😋😋😋😋.5/5雖然等咗二十分鐘，但係值得嘅。即叫即整，熱辣辣， 餅皮煎到脆卜卜，餡料好足，芋泥唔太甜，肉鬆好新鮮，真係好好味，食唔停口👉梅子地瓜薯條💰 $22😋😋😋😋/5係我最鍾意嘅其中一款小食。呢個都係即叫即整，地瓜薯條炸到金
葵芳葵富路7號葵涌廣場2樓2009號舖
我好耐都無飲過廢水喇，經過呢間叫"廢茶"嘅手搖杯店，比佢個招牌公仔"樹獺"吸引咗，喺一間賣台灣飲料嘅舖頭，仲有啲零食賣添
👉特濃黑糖珍珠咖啡拿鐵
💰$36
😋😋😋😋/5
唔知係咪我小飲廢水啦，好小見黑糖珍珠配咖啡拿鐵，感覺會係幾好飲，所以就叫咗嚟試試佢。平時會走甜走冰嘅我同樣地向店員落單，點知原來係特定嘅，無得改。咁就豁出去，照落單。又真係幾好飲，咖啡味幾濃，啱哂我口味，黑糖唔會太甜，珍珠煙靭有口感，飲用前請先搖一搖，唔係嘅話直飲黑糖就會好甜嫁喇
👉炭培烏龍茶
💰$20
😋😋😋😋.3/5
平時去廢水店只會叫純茶嘅我，今次嚟到都會叫返杯。一貫作風都係走甜走冰，咁先飲得出茶嘅味道。呢杯炭培烏龍茶，果然真係有炭燒嘅味道，有別於平時叫嘅炭培烏龍茶，茶味好濃。如果熱嘅話應該個炭燒味仲更加香，下次要試埋熱飲
👉芋泥肉鬆手抓餅
💰 $32
😋😋😋😋.5/5
雖然等咗二十分鐘，但係值得嘅。即叫即整，熱辣辣， 餅皮煎到脆卜卜，餡料好足，芋泥唔太甜，肉鬆好新鮮，真係好好味，食唔停口
👉梅子地瓜薯條
💰 $22
😋😋😋😋/5
係我最鍾意嘅其中一款小食。呢個都係即叫即整，地瓜薯條炸到金黃色，外脆內軟，每一條地瓜條都沾滿梅粉，好惹味，一條又一條咁放入口，唔覺意食哂成兜，好想再叫，但再要等二十分鐘，就唯有下次先再食，吊住條癮先
回頭: yesYesyes!!!☺️仲有好多野飲想試🤭絕對會再嚟🫶🏾
#kermit食在葵芳
張貼
