十二味不只是烤魚 (已結業)

最最最鍾意食辣嘅我同寶寶又出動喇，今次就去食烤魚。之前喺大陸食過間好出名嘅，而香港lee 間十二味烤魚都無令我地失望，真係好好食，仲加左d 香港特色。鋪頭好似開左唔係好耐，雖然唔係對正大街。但天后站出，行幾分鐘，轉個灣就到。裝修好新，唔錯，位都舒服。不過一入去最大嘅驚喜就係撲鼻而來嘅辣香味，一嗅就知到佢個味道好正宗，就好似大陸食到果種又香又濃嘅辣味，食完後證實我推測無錯。招牌菜烤魚加入左香港特色，你可以自選唔同種類嘅魚同湯底，最少要配搭三款配料，當然你食到幾多，佢都歡迎你嗌多d，但其實份量都唔少，我同寶寶兩個人再叫多左三串羊肉串已經好飽好滿足...主角係清江魚，因為見佢有手指公先嗌，雖然無寫少骨，但其實都唔多骨，啖啖肉，又大條，基本上兩個人都要好努力先食得晒。我地揀左招牌香辣嘅中辣湯底，條魚吸晒d 湯之後，好好味，連我唔食魚嘅都食左接近半條。主角固然好食，但配角其實仲吸引我，黃金組合拼盤有齊豆皮/豆芽/金菇/嫩豆腐，全部都係勁吸湯嘅野，再加埋晶瑩剔透嘅寬粉，真係好幸福，爽口嘅，煙韌嘅，咩口感都齊晒，吸左香辣湯嘅味，真係食到停唔到口。個豆腐要再特別一讚，好滑好滑好滑，因為真係好重要所以我