老金煎餅 (已結業)

呢間舖未開前, 有日經過見到佢招牌棟左嚮地下, 見到個名同招牌好騎呢, 仲要寫簡體字. 心諗係唔係大陸人投資整d呃鬼佬中餐? 估唔到過左兩個禮拜後就響openrice開始見到好多好評. 原來係鬼佬煎中國餅…都係對個concept冇乜好感, 所以一路冇意欲食. 但既然今晚冇飯食, 見離我巴士站唔遠, 決定黎買個外賣.叫左個招牌烤鴨煎餅, 綠豆粉, 薄脆. $48都幾貴. 睇住個幾nice的英文亞洲人整. 落左漿之後估唔到打隻蛋落去然後反轉再煎, 不過隻蛋都幾細, 應該唔會好大作用. 跟住睇佢加醬, 落青瓜, 心諗落咁少既?! 跟住落鴨肉, 一樣都係好少. 用咁少料收我48蚊, 真好賺. 之後仲加左塊脆餅.打開袋聞一聞, 又幾香播! 食啖就…煎餅超淋, 醬多, 加埋成pat野咁, 好彩有塊脆餅, 有d咬口. 一如所料, 料少, 肉算ok, 唔鞋有d鴨味, 味基本上都係靠個烤鴨醬, 如果你同我一樣鍾意食烤鴨醬, 一定唔會覺得好難食, 但最難受係食食下食到兩條骨出黎...總結: 唔難食, 但一d都唔好食. 有諗過因為嗰兩條骨卑喊, 但見香港冇呢種店, 放你一馬啦.