Press Enter (已結業)

今日大角咀做完野係周圍行，本來諗搭車走，跟住突然見到呢間餐廳.之前係網上邊睇到，今日咁岩見到就走左入去試下。一入去可能我地都比較早，所以唔洗等都已經有位。黑松露芝士忌廉汁配美國炸薯條炸薯條係岩岩炸起嘅，夠晒熱又一啲都唔會乾，黑松露芝士忌廉汁夠晒香濃，而且果陣黑松露香味一上枱已聞到，入口外皮得夠晒脆，餐廳果然係即叫即整，一啲都無花假。手工野菌墨汁意大利燴飯釀魷魚筒呢碟墨汁意大利燴飯釀魷魚筒真係比較小見，魷魚筒入口夠晒陣牙，而且釀在魷魚筒的意大利飯口感依然保持到一定嘅口感，份量亦都好足唔會太小。德國脆皮燒豬手肘燒薯及酸野菜豬手最緊要係做到外脆內軟，廚師真心整得唔錯，份量十足嘅同時做到夠外脆內軟，個人係德國脆皮燒豬手嘅粉絲，平時最怕啲整到成隻豬手乾晒又咸果啲豬手，餐廳絕對值得一讚因為味唔會太咸，夠平均同時保持肉質嫩滑。二個人食三個餸野食都可以食到飽晒，真係又平又滿足，仲要唔洗加一，真係絕對值得下次再黎食