點點心 (已結業)

因唔夠耐性坐定定, 一直以來對去酒樓飲茶既活動都不太熱衷, 而家開了很多家的點心專門店便合哂我心水, 呢間點點心都只係第一次食, 因為多人等位, 所以都係外賣返屋企食算了。見到等位的人當中, 有唔少是拿著旅遊書來, 睇唻似有一定江湖地位。蝦餃, 皮薄料靚, 水準之作春卷皮薄又脆, 內裏鮮蝦餡料足, 好好味, 不過春卷係細細條嗰款 牛肝菌花菇包, 初初開蓋時, 以為真係一隻菇, 原來係菇整成的包。睇個賣相已覺得好吸引, 食後覺得菇味都香的, 但略嫌較少 金沙肥豬仔即係流沙奶黃包, 都係水準之作, 唔會過甜 呢個脆皮鮮蝦腸真係值得推介, 初初以為係腸粉皮捲住春卷, 點知食落唔似, 佢啲皮唔似春卷咁硬, 有點似天婦羅嗰種酥脆, 值得推介最後呢個賽磅蟹菲翠菜苗餃真係我既摯愛, 菜的比例較多, 老實講, 唔睇番張單都唔記得係賽磅蟹, 但對我個人唻講真係好好味, 淨食呢樣都覺得好滿足