神燈燒 (已結業)

一直以嚟都想試下呢間因為見佢門面幾有特色 ，openrice評價又不錯今日同朋友一試。嚟到門口有啲小插曲，因為度門太重嘅關係我哋輕手得滯以為度門開唔到懷疑店未開，上返正門問過保安再行返落去先知原來度門係要好大力開🤣一入去個侍應哥哥好好禮貌好好招呼 ，坐低我哋點咗level 3(包level1同level2)喺出面攞嘢食，level 3就要用qr code點餐，而我只係尊攻level3嘅嘢食因為有一次性黑毛豬同任點和牛(其實食得唔多😂)，而朋友唔食牛肉所以佢淨係出去攞咗普通嘢。食物味道唔差但亦都唔見有驚喜😅或者可能我啲妹仔肚唔識食好嘢掛🙄唯一係杯嘢飲嚇親😱杯嘢飲應該叫一揸多個叫一杯而且個杯勁重😶。之後想飲啤酒但怕又嚟咁重手嘅杯裝，問咗侍應哥哥好彩係罐裝🤭