燧記廚房 (巧運工業大廈)

營業中

休息中

以前係港大附近食過一次燧記廚房，最近原來係觀塘開左分店，工廈入面，價錢非常合理，有自助點餐機。今晚點左兩個套餐。西蘭花炒牛肉（$54）最重要有菜食，呢款就啱曬，牛肉薄片切，有啲咬口，調味帶鹹。宮保雞丁（$50）酸酸辣辣，感覺唔係好辣，適合香港人口味。雞丁同花生嘅份量多。揀左跟湯同汽水。個湯係經典紫菜湯。汽水揀左coke zero。本身飯量唔多，如有需要可以要多飯。呢度外賣生意唔錯，包裝都好穩陣，番到屋企都好暖。