Infiniti C By October (已結業)

成日經過，有聽朋友講過，所以令到我有啲興趣試吓呢間野。舖頭裝修得好靚，啱晒打卡。一入到去已經見到每枱女仔都影緊食物打卡相。冇位所以叫咗1件蛋糕拎走，都要$80個。始終係自家製裝修有咁靚貴啲都係正常嘅。聽聞佢好似係純素蛋糕。筍數蛋糕我係第二次食，第一次食係中環有唔好嘅經歷因為個蛋糕係超級甜。所以有興趣試第二次就嚟咗呢間。叫咗個希臘乳酪雪糕，個蛋糕好靚係有啲唔捨得食。不過口感就唔係我預期咁好食，好鞋口，冇普通蛋糕嘅嗰種綿滑口感。佢用嚟裝飾嘅忌廉都唔係好好味，個味唔突出。其實食完成個蛋糕都覺得好鞋口，唔太enjoy。所以純素蛋糕唔係人人啱食，我唔係素食者所以我唔會再食第三次。