新景園咖喱小廚

營業中

休息中

真係好少會去食需要排隊嘅舖頭，但係呢間新景園咖喱小廚嘅咖喱豬扒飯睇到有好多人推薦，今日係特登過嚟要食呢間嘢㗎，工作日中午12點嚟到呢度，但係門口已經排晒隊，特登過嚟食，所以就跟住排隊，起碼要排半個鐘以上，但係唔係好推薦囉，叫咗個招牌咖喱豬扒，豬扒出邊係乾身脆口嘅，仲要出邊個皮呢係比較薄啲，入邊好嫩，霖埋佢哋嘅特製咖喱汁，淨係個豬扒炸得比較好食啲，咖喱汁香料味好濃，如果唔係好鍾意香料味嘅話呢，應該唔會鍾意佢哋個咖喱汁，齋香料味唔係好夾，個價錢叫呢個豬扒其實都唔係好抵，仲要係要等好耐，唔係好明點解仲會有咁多人排隊去食，食完今次冇下次啦。