影片
更多
2021-05-01
4167 瀏覽
呢間好耐之前都想去，但無渠道既普通人；要我等嗰一日係咁打電話？我寧願唔食果種。慢慢想逐間鮨店試下就打啦⋯⋯ 一號既十點，打左五十幾個（唔係只專注打電話，一住打一住準備出門口，得閒又盡量打😂）係差唔多十二點正終於通左。得返可預約時間係最後嗰個月嘅兩日，平日既（只想book lunch)。個日仲係剛坐低係今鮨，打得通有少少大聲既激動：打得通我book到呀之類😂😂😂等左好耐好耐先去到；2月1日book，等到4月尾........滿心期望以為呢間係志魂平啲既選擇，點知食落唔係期待咁高😬（另一半每食一件都嘆氣再係咁口upup想食志魂，我仲話佢:體驗每餐啦😑；唔係你點搵到啱口味既）正正路路；期待啲壽司會唔會嘩一聲好味。燒到剛好，但我重口味都覺得太咸😂全部都唔令我覺得係貼近志魂既質素；你話佢唔好咩？又唔係。個人印象係似sushi zo同鮨慎以下咁🥲⋯⋯飯太硬（溫度保持得好好既，但我唔會提及咩舍利呀/人體溫度呀/點入口散呀之類：免費平台口upup手痕無聊既感想only，要認真寫既話要多食多學😂)醋既味道唔係我鍾意既食左二三件到尾都係同樣質素😬，仲等緊會令我嘩一聲既壽司同行人既赤身，我係度係笑佢既根仲大
慢慢想逐間鮨店試下就打啦⋯⋯
一號既十點，打左五十幾個（唔係只專注打電話，一住打一住準備出門口，得閒又盡量打😂）係差唔多十二點正終於通左。得返可預約時間係最後嗰個月嘅兩日，平日既（只想book lunch)。
個日仲係剛坐低係今鮨，打得通有少少大聲既激動：打得通我book到呀之類😂😂😂
等左好耐好耐先去到；2月1日book，等到4月尾........滿心期望以為呢間係志魂平啲既選擇，點知食落唔係期待咁高😬（另一半每食一件都嘆氣再係咁口upup想食志魂，我仲話佢:體驗每餐啦😑；唔係你點搵到啱口味既）
正正路路；期待啲壽司會唔會嘩一聲
好味。燒到剛好，但我重口味都覺得太咸😂
全部都唔令我覺得係貼近志魂既質素；你話佢唔好咩？又唔係。個人印象係似sushi zo同鮨慎以下咁🥲⋯⋯
飯太硬（溫度保持得好好既，但我唔會提及咩舍利呀/人體溫度呀/點入口散呀之類：免費平台口upup手痕無聊既感想only，要認真寫既話要多食多學😂)
醋既味道唔係我鍾意既
食左二三件到尾都係同樣質素😬，仲等緊會令我嘩一聲既壽司
同行人既赤身，我係度係笑佢既根仲大條過我個件，俾我影下照
呢件好好：厚肉淋甜化
壽司都好夠味，手捲反而唔夠味
食左一件，算幾好味 
換左同行人個件，我原本個件有個位唔靚，係撞瘀左，有成五蚊銀咁大既位，你係屋企自己食都會切走佢個種？
我有少少驚訝咁都拎出黎俾客，或者應該切開嗰忽佢😅。呢啲瓜咪三四百蚊一個......
食前再睇，見無咩人放wine list，專登影下照😂
🥲對我黎講好貴。另一半食到中間都唔再叫酒，佢話好味先再叫酒黎送壽司😂，痴線。
服務方面日本師傅極好。但無職員講返中文介紹，只係日本師傅盡量講多幾粒字既日文英文介紹係咩
侍應換茶都好頻密，但手勢比較硬同打擾，一下隊隻手埋黎個種，當日三位都係咁😂
我個人覺得好嘅係柔和一啲嘅手勢，唔係要個客次次避你，打側個身俾位你，你仲唔覺打擾到個客個種。
總之我以為係近志魂既質素（個人口味，覺得香港暫時志魂最好）
食埋呢間既個人排名：（Lunch only)
志魂
鮨慎
Sushi zo
呢間（鮨.齋藤）
Sushi tokami
Sushi hana
志
鮨野
鮨㐂
今鮨
鮨幸
鮨中本
鮨生賢
（排名只係我個人&一餐半餐既感想，雖然鮨野已去過五六餐，但係心目中，因味道同價錢會改去志，關注組既好介紹😂）
雖然有啲成日想再訪，但食完omakase我次次都肚痾兩三次，因為啲魚太油😂😂😂
（平時我食野都片晒湯面既油、印走豬牛雞扒上面既油之類&煮自己食個份野食只落三四滴油。
最愛既雞翼手拉麵盡量片油，但仲會有少少&4隻雞中翼既雞皮都會食晒，應該都夠一日基本油脂個種）
張貼
