穌棧 (已結業)

返工日食飯時間同女朋友黎試下，好多人等，地方又細，好彩我地人少，即刻有位。印尼炒飯 $62炒飯很香濃，飯粒飽滿，份量充足。兩串雞串肉質ok滑，沙爹汁夠晒花生味，配菜嘅煎蛋同蝦片都好味。海南雞飯 $56好失望，比上個月嗰次差好多。雞肉完全無味，飯唔香，係個蒜蓉汁比較可取。凍港式奶茶 +$4有陣王老吉涼茶味，女朋友唔係好鍾意，我就ok。凍泰式奶茶 +$6顏色似蕃茄汁，好得意。都係有王老吉味，同港式奶茶比，多左甜甜嘅香料味。環境清幽，食物質素就視乎款式，可以再試。