華香雞 (已結業)

今日母親節！專程去華香雞食飯！有十多年冇幫親過了！以前住旺角一星期幫親起碼三次！自從搬咗去東九龍便很少幫親！輾轉多年從朋友口得知華香雞仲有兩鋪營業中！荃灣、灣仔，但偏偏選擇了灣仔呢間，簡直••唉！剛中午入店，環境衛生惡劣，臭味冲天，坐位不多！只見一枱四人客！剛坐低已經想起身走人，不過老婆知道我專程過嚟食鷄懷舊下！便勉強坐下叫了一份華香茶香鷄雙拼半隻，一碗例湯、白飯一碗！鋪得兩個男人，全程落單斬鷄都冇帶手套口罩同一人！上齊枱上，見到己經覺得唔係嗰樣嘢！冇辦法已經洗濕個頭！老火湯喺冇落味精嘅，但湯味很淡，睇到嗰碟鷄完全走晒樣，伏唒！以前啲鷄係瘦身型，皮脆肉香！今日嘅鷄就。沒鷄味，肉淋，沒茶香味、有異味（不新鮮），任何一間燒臘舖都好過佢！我懷疑只是有人掛羊頭賣狗肉之疑！枉費華香雞創辦人心血！我可以話比你哋知灣仔華香鷄唔係以前正宗華香鷄！簡直有辱華香鷄創辦人聲譽！伏、伏、伏！😮‍💨