潮福蒸氣石鍋 (已結業)

係厚福街一帶有唔少餐廳，單係蒸氣火鍋都已經有兩間，但係朋友話潮福裝修完想再幫襯一次，食過幾好咁，就一齊去試試，$338一位老實講係幾抵，單點要食到飽真係絕對唔止呢個價。先送上燒鵝同刺身拼盤，如果唔想食刺身拼盤嘅話都可以揀龍蝦，刺身肉質就真係一般，不過始終佢唔係日式餐廳唔可以要求太高。螺肉燉湯熱辣辣一盅上，湯料好多，飲完亦唔多覺口渴。海鮮我地揀左蟶子、扇貝、象拔蚌同龍躉，蟶子有沙，但其他都幾鮮幾大隻，仲會送蜆肉添。任食部分肉呀菜呀丸呀點心等等都可以任食，個人覺得牛肉粒係必食，好Juicy。最後飲完碗吸收曬上邊咁多種材料精華嘅粥，又棉又香，好滿足。