金城餐廳 (已搬遷) 新店位置

本來我一向都係順住寫，但今日食呢個焗豬條氣唔多順，所以要寫左先!話說，前幾日見有人講呢間野，我就信佢係好野啦! 咁就典左幾日，好想食肉醬意粉啊，焗豬呢類型既野，咁佢講到佢呢個係招牌野，咪叫囉！先唔講其他，就咁個味啊下，老老實實，聞落去唔錯，但個豬扒柴柴地，我食兩舊都有兩大條肥膏，都可以柴...個炒飯底唔香仲要有少少鑊唔清，有陣陣既油煙濃味，不過汁都夠多可以啖啖有汁cover到，係我咁刁聞到少少，然後撩開黎試🤣佢跟湯既，我要左個西湯，個湯仲衰! 一飲就係罐頭開水，仲要係再加水(唔好意思，我真係一飲就飲得出煲湯有冇加水，呢個男人都反我眼)咁煲，菜?有兩條唔知煲左幾多轉既椰菜同洋蔥囉...#真心唔好食 #藍無問題 #扮黃先可恥 #所以無分顏色 #唔會再有下次