麥當勞

營業中

休息中

麥記又出新包喇！今次哩款係全新鋒味洋蔥吉列豬扒包。賣點係一個洋蔥，兩種煮法，香甜與酥脆兼備。另外豬扒就採用原塊吉列豬扒，話會比傳統洋蔥豬扒多一種「脆卜卜」的新鮮感。講到咁好食等我都試下先。一黎到個包已經唔熱，食落豬扒都幾淋，不過就食唔出吉列豬扒，一啲都唔脆，同普通煎豬扒冇分別。豬扒味道都唔錯，不過醬汁就少左啲。洋蔥都好入味，口感都唔錯，爽脆得黎多汁。不過食完之後係勁口渴，味精都應該唔少。哩個包對麥記黎講算係好新穎，話哂第一次出豬扒包喎！不過其實超級普通，同出面茶記既豬扒包冇咩分別。