巴打麻辣燙 (已結業)

午餐又揸車去元朗搵嘢食，之前喺網路平台見到推介依間麻辣燙，就決定去試一試。同樣先介紹交通方面，除咗綠色小巴（雞地 ↔️大棠）之外，我望唔到有咩交通工具嚟到，揸車人士就好方便，門口有好多嘅錶位。入到餐廳俾人一種好簡潔乾淨嘅感覺，同區內其他麻辣燙一樣，你只係需要攞個膠盆，行去雪櫃， 夾起你想食嘅嘢埋去俾錢就得，對於我有食開麻辣燙嘅人嚟講都尚可，但係如果冇食開區內麻辣燙既人，係唔知邊個位既膠盆用得，可以夾既食物亦都無字話你知係咩，當你想知道嘅時候，就必須要問店員咁我好簡單求其咁揀咗個紅薯粉同幾樣食材，之後同佢講小辣，再俾錢，再搵個位坐低就可以等食上到枱我唔相信我眼前依碗係麻辣燙，基本上一啲紅油都冇，只係可以講，可能係新派嘅關係，迎合香港人，小辣就即係唔辣，所以我都要叫佢攞啲辣油俾我，係未加辣油之前，我試咗個湯嘅味，係唔麻既，而未到湯嘅辣油，明顯有花椒係入面，加左兩份既辣油後，碗野終於似麻辣燙，可惜上枱時湯底已經唔算好熱，搞左一輪，湯底剩返微溫，食物都變得唔好食總括黎講，下次黎一定揀大辣，咁就可以湯夠熱既情況下食，湯夠熱又夠辣，相信一定好好食