影片
更多
2022-11-21
444 瀏覽
平時想食上海菜，呢間其實都係唔錯嘅選擇，價錢相宜得嚟又多分店😂 今次兩個人食又叫到成枱餸啦🤭🤭🍽涼拌海蜇-輕盈($48) / 香煎素鵝-輕盈($34)好喜歡叫呢度嘅涼菜小食，因為有分標準同輕盈份量，好啱兩個人都叫到嚟食！今日叫咗兩個試下，海哲幾厚身食落口感好好，有陣麻油香油，推介！素鵝餡料係雜菌，調味比較重，加上油炸，都係食少少好啦～🍽干貝鮮魚魚肚豆腐羹($56)味道極淡，魚肚切到好細好碎，基本上都唔係好食到！🍽滬式蔥油雞($82)佢嘅薑蔥加醬油整得好香好好味！雞肉肉質滑，主要比雞背同脾位，不過偏肥🤭 加埋啲汁都好多油，整體比較肥膩。🍽招牌小籠包($42)小籠包蒸好馬上上枱，食落夠晒熱👍🏻 皮薄，味道都唔錯，食落好多汁！🍽五香牛肉拉麵($68)配厚切排骨($35)牛𦟌片大約有五片，配清湯底整體味道偏淡。拉麵係師傅即時手拉製作嘅，今日嘅麵質就偏硬喇～ 厚切排骨食咗幾次佢都係幾鞋口，但厚度係有嘅，唔太推介大家加錢加🥲
🍽涼拌海蜇-輕盈($48) / 香煎素鵝-輕盈($34)
好喜歡叫呢度嘅涼菜小食，因為有分標準同輕盈份量，好啱兩個人都叫到嚟食！今日叫咗兩個試下，海哲幾厚身食落口感好好，有陣麻油香油，推介！素鵝餡料係雜菌，調味比較重，加上油炸，都係食少少好啦～
🍽干貝鮮魚魚肚豆腐羹($56)
味道極淡，魚肚切到好細好碎，基本上都唔係好食到！
🍽滬式蔥油雞($82)
佢嘅薑蔥加醬油整得好香好好味！雞肉肉質滑，主要比雞背同脾位，不過偏肥🤭 加埋啲汁都好多油，整體比較肥膩。
🍽招牌小籠包($42)
小籠包蒸好馬上上枱，食落夠晒熱👍🏻 皮薄，味道都唔錯，食落好多汁！
🍽五香牛肉拉麵($68)配厚切排骨($35)
牛𦟌片大約有五片，配清湯底整體味道偏淡。拉麵係師傅即時手拉製作嘅，今日嘅麵質就偏硬喇～ 厚切排骨食咗幾次佢都係幾鞋口，但厚度係有嘅，唔太推介大家加錢加🥲
張貼
