Turkish Kebab

營業中

休息中

🐏轉轉燒羊肉配飯（ $98 ）🍚去玩前諗住係西貢快快脆脆簡簡單單食飽個肚先出發。成日都會經過呢間係小巴站隔離嘅kebab，但係一直都冇試過，而朋友今日又想食kebab，所以決定今日食下。一開頭見佢menu啲相一般般，所以冇抱有好大期望。我哋都叫左轉轉燒羊肉配飯，不過如果唔想食飯都可以簡roll都得🌯。一開頭我有啲擔心碟飯冇味好dry，因為望落佢係齋白飯，但係原來啲飯唔係乾爭爭，而且仲有啲咸咸哋，真係幾好食😋。羊肉香肉味但係唔羶😍，我有加埋檸檬汁同其他醬汁，食落無咁乾之如仲令到個味道更加豐富🤩。伴碟有沙律，入面有啲紫洋蔥，食落更加惹味。佢嘅碟都幾大，不過啲飯唔算多，一個女仔食就啱啱好，男仔加多個小食就會飽肚啲。