影片
更多
2017-06-13
361 瀏覽
熱到想喊嘅星期六下午，當隔離排到身水身汗嘅時候，呢度有一張喺正冷氣下嘅4人檯，二話不說要即刻衝入去，舒服晒。有沙律、玉子燒、多士、冷麵、小食、甜品盒及各式梳打、益力多、沙冰及茶。咁多凍冰冰嘅野，夏天真係啱晒！芥末照燒雞沙律 ($42)沙律上面有烚蛋，但店員話唔好意思，烚蛋暫時賣晒要轉另一樣材料，好緊張會轉乜野呢？！之後佢話，係會轉溫泉蛋，哇好興奮呀！雖然烚蛋已經好正，但溫泉蛋比烚蛋吸引100倍呀！外貌非常吸引，最底層舖滿沙律菜及粟米，之後就係好多片嘅照燒雞及車厘茄，再唧滿自家製芥末，最頂就係溫泉蛋，喺呢個咁肚餓嘅時候真係等都唔想再等，要即刻食！自家製芥末好攻鼻，夏天食好刺激！雞肉好juicy，肉質鮮嫩；菜撈埋溫泉蛋汁食簡直無得頂啦，$42咁好味，抵食！自家製叉燒冷麵 ($52)惆悵緊應該食乜野冷麵，既然寫住係自家製咁就梗係要試吓啦！叉燒肥瘦適中唔乾身，自家製果然係唔同啲；但冷麵嘅口感有啲趣怪，有啲似食緊膠，比較硬身，雖然好沾和風芝麻醬，但似乎唔多適合做冷麵喎！旁邊嗰隻糖心蛋，未係超級糖心但都合格，用叉燒點點啲蛋汁嚟食，一流！黑松露蟹子冷麵 ($48)色彩繽紛，一大堆蟹子上面有一小撮黑松
芥末照燒雞沙律 ($42)
沙律上面有烚蛋，但店員話唔好意思，烚蛋暫時賣晒要轉另一樣材料，好緊張會轉乜野呢？！之後佢話，係會轉溫泉蛋，哇好興奮呀！雖然烚蛋已經好正，但溫泉蛋比烚蛋吸引100倍呀！外貌非常吸引，最底層舖滿沙律菜及粟米，之後就係好多片嘅照燒雞及車厘茄，再唧滿自家製芥末，最頂就係溫泉蛋，喺呢個咁肚餓嘅時候真係等都唔想再等，要即刻食！自家製芥末好攻鼻，夏天食好刺激！雞肉好juicy，肉質鮮嫩；菜撈埋溫泉蛋汁食簡直無得頂啦，$42咁好味，抵食！
芥末照燒雞沙律
$42
31 瀏覽
0 讚好
0 留言
自家製叉燒冷麵 ($52)
惆悵緊應該食乜野冷麵，既然寫住係自家製咁就梗係要試吓啦！叉燒肥瘦適中唔乾身，自家製果然係唔同啲；但冷麵嘅口感有啲趣怪，有啲似食緊膠，比較硬身，雖然好沾和風芝麻醬，但似乎唔多適合做冷麵喎！旁邊嗰隻糖心蛋，未係超級糖心但都合格，用叉燒點點啲蛋汁嚟食，一流！
自家製叉燒冷麵
$52
56 瀏覽
0 讚好
0 留言
黑松露蟹子冷麵 ($48)
色彩繽紛，一大堆蟹子上面有一小撮黑松露醬，好香！
黑松露蟹子冷麵
$48
44 瀏覽
0 讚好
0 留言
廣島風玉子燒 ($38)
有4件玉子燒，每一件上面都有好多木魚花給櫻花蝦乾，玉子燒好厚身又熱辣辣，正！
廣島風玉子燒
$38
50 瀏覽
0 讚好
0 留言
鰻魚玉子燒 ($42)
由於仲係好肚餓嘅關係，叫多個玉子燒食吓！每一件上面都舖滿鰻魚絲，玉子燒入面塞滿芝士，勁好味！
鰻魚玉子燒
$42
49 瀏覽
0 讚好
0 留言
青柑桔柚子蜜梳打 (+$11)
咁熱嘅天氣，點可以唔飲返杯凍飲？！店員話我哋叫咗主食，可以有4杯飲品，喺咁嘅天氣下聽到咁嘅消息真係好振奮！大大杯嘅梳打非常透心涼
青柑桔柚子蜜梳打
$11
60 瀏覽
0 讚好
0 留言
除咗麵嘅質感可以再改善一吓外，其他食物質素都不錯，最緊要係抵食，而且服務態度友善。每人like咗佢哋個facebook可以平$5，我哋4個人都有like，所以平咗$20，值得一試！
張貼
