青花汾

營業中

休息中

間中經過中環街市, 見到呢間餐廳嘅名 清花汾, 覺得好特別同埋好優雅.今晚家人叫我加餸, 所以就去咗....🐔 寧波醉雞（倒牌）呢個雖然係屬於前菜, 但係份量都唔少, 而且雞件又大舊, 雞皮顏色好靚, 食落又爽脆, 雞肉好嫩滑, 酒味唔會太濃 味, 如果想酒味濃d 嘅朋友, 自己可以加d酒. 墊底有 d青瓜條, 十分 fresh 同爽脆, 咬落落索索聲.🐮 五香牛展同樣地都係屬於前菜,份量都唔少, 入口重蒜頭同醬油味, 牛展肉質唔會鞋口或者韌, 墊底有 d青瓜絲, d 蒜頭同醬汁入曬味, 呢個青瓜絲十分好味😋 如果再多啲就會更好😆家人好鍾意食呢個五香牛展, 我就鍾意食寧波醉雞 真係唔錯嘅加餸之選😄下次會試下麵或者水餃💙 餐廳內嘅裝修主要係藍色 加青花瓷裝飾地點方便又易搵香港站 Exit E（IFC一期）一入中環街市 左面第一間餐廳就係