天丼

營業中

休息中

開咗一段時間，嚟嚫都見到排緊隊，今日lunch早咗少少嚟到商場，見無咩人排隊，我哋幾個一致贊成喺度食晏。座位比較密，都係好似日式快餐店咁，種類唔多選擇，都係天婦羅嘅飯或粉麵為主，食物質素唔錯，其實近年好少食炸嘢，不過呢間嘅天婦羅唔會感覺勁熱氣，炸漿做得幾好，唔係硬脆唔會㓤口，可以一試。八爪魚天婦羅，店員推薦，唔韌都幾大條，不過脆嘅外皮同外離咗，唔似食緊天婦羅。鰻魚盛合丼，無咩特別。巨星天丼，天婦羅有七款，裏面嘅帆立貝都幾大隻。天婦羅烏冬(豚骨白湯)，有五款天婦羅，烏冬都好滑。和麻糬，無煙韌口感，係一咬就會斷開，有少少似牛奶布甸。所有飲品+$9。