皇茶 (已結業)

皇茶喺一個由網民投選嘅最正芝士奶蓋排行榜得到第三名🥉，所以去開旺角就同朋友去買返杯嚟試下～🤔🤣 不過唔知係咪我揀錯咗配搭，就覺得佢哋嘅芝士奶蓋嘅奶味好濃，但都未算飲過最好飲🙈 下次有機會可能試返杯芝士奶蓋+純茶，試真啲先得😬•🥢 手工珍珠奶茶奶蓋(少甜) $32芝士奶蓋帶少少鹹香，奶味幾香濃，但比起其他飲過嘅奶蓋唔夠厚身，所以好快就同奶茶溝埋咗，而且唔太飲到奶蓋嘅口感😢 奶茶嘅茶味比較濃同甘，而奶茶嘅奶味相對淡啲，不過加埋奶蓋一齊就平衝返；珍珠口感尚算彈牙，但間中咬到幾粒珍珠有少少未熟透。•🥢 金鳳茶王 $32烏龍茶底幾濃，偏甘，因為係純茶，所以冇加糖👍🏻 飲落都幾解膩～