湘肴世家

營業中

休息中

尼間餐廳係媽咪介紹，上年生日嘅時候來食過一次，今次慶祝母親節都係揀返尼間。湖南菜同川菜一樣都係辣，但湘菜就無咗川菜嘅麻香味，更著重於香辣嘅表現。而其中一道次次來都有點嘅係以下尼道熏鴨，媽咪特別鍾意。以為係普通熏鴨味，但其實味道一啲都唔簡單。食落有好香嘅木熏味，第一啖唔會食到辣味，但之後又會有好重嘅辣味出返來。🌶🌶🌶係越食越辣，越食越滋味個種。次次來都會叫嘅口水雞，味道香辣。細佬仲將啲汁拎來撈飯。酸菜魚係上次生日飯個次叫，味道唔錯，但無特別驚喜，魚嘅份量亦少。炒長豆角，算係特色菜，味道唔辣，啱曬唔食得辣嘅朋友。萵筍炒臘肉，配飯食好正萵筍够脆嫩，臘肉夠香。最後甜品係炸南瓜丸，中間好似有紫薯，外脆內軟，但價錢偏貴。建議多人來食可以試多啲菜式。