影片
更多
2018-03-02
94 瀏覽
因為我個朋友住喺筲箕灣，所以我哋就約咗喺筲箕灣度食dinner 😁 地方超就腳，一出咗地鐵站，行一分鐘都唔洗就到啦! 😀😀先講左小食先，我哋叫咗燒扇貝同埋芝士脆脆。扇貝好大粒好多肉! 我覺得佢烤得唔錯，上面加咗少少蒜同埋佢哋自己獨特嘅醬汁，仲有好香的牛油味，帶子本身嘅鮮味同埋佢嘅醬汁撈埋一齊，真係好好食! 味道好夾! 食完一粒真係好想食多粒😂😂 個芝士脆脆都幾得意，裏面嘅芝士都幾多下，外面脆脆地，再點埋少少沙律醬，好香口好好味😄😄 我同我個friend勁快就清咗呢盤嘢喇🤣之後我就叫咗個黑松露忌廉海鮮烏冬， 冇記錯裏面應該係有帶子，三文魚同埋蜆， 個配搭真係好惹味，帶子同樣地都係好大粒，好有鮮味同好有肉地😀 而個三文魚亦都煮得剛剛好，唔會太熟，佢個黑松露味都幾出味，再加埋啲忌廉成個配搭真係好邪惡! 但又好好味!!🤣🤣 個烏冬都煮得好唔錯，幾q彈，食到最後有少少滯，但真係好滿足😅😅我個friend就叫咗個黑蒜豚肉拉麵，望落都好吸引。因為佢唔食蛋嘅，所以我幫佢食咗個蛋。個糖心蛋煮的剛剛好😋😋 個心半生熟 一啖放落口到， 正! 😄 之後我個friend話啲豚肉唔錯，唔會太肥，每一塊都薄
先講左小食先，我哋叫咗燒扇貝同埋芝士脆脆。
扇貝好大粒好多肉! 我覺得佢烤得唔錯，上面加咗少少蒜同埋佢哋自己獨特嘅醬汁，仲有好香的牛油味，帶子本身嘅鮮味同埋佢嘅醬汁撈埋一齊，真係好好食! 味道好夾! 食完一粒真係好想食多粒😂😂
個芝士脆脆都幾得意，裏面嘅芝士都幾多下，外面脆脆地，再點埋少少沙律醬，好香口好好味😄😄 我同我個friend勁快就清咗呢盤嘢喇🤣
之後我就叫咗個黑松露忌廉海鮮烏冬， 冇記錯裏面應該係有帶子，三文魚同埋蜆， 個配搭真係好惹味，帶子同樣地都係好大粒，好有鮮味同好有肉地😀 而個三文魚亦都煮得剛剛好，唔會太熟，佢個黑松露味都幾出味，再加埋啲忌廉成個配搭真係好邪惡! 但又好好味!!🤣🤣 個烏冬都煮得好唔錯，幾q彈，食到最後有少少滯，但真係好滿足😅😅
我個friend就叫咗個黑蒜豚肉拉麵，望落都好吸引。因為佢唔食蛋嘅，所以我幫佢食咗個蛋。個糖心蛋煮的剛剛好😋😋 個心半生熟 一啖放落口到， 正! 😄
之後我個friend話啲豚肉唔錯，唔會太肥，每一塊都薄薄地，而個湯底味道都幾濃，有好香嘅蒜味，加上個湯底本身都有啲豚肉味，撈埋啲麵，所有嘢加埋一齊唔錯😊😊
嘢飲我就叫咗杯，紅棗雪梨茶。 紅棗味都幾濃， 加埋小小雪梨味， 甜甜地。😄😄
而我個friend就叫咗杯薑茶。 佢放咗都唔少薑，所以有少少辣。但我個friend本身鍾意飲薑茶，所以味道就剛剛好啦😀
我幾鍾意呢度個環境，雖然地方唔係好大，但係成個氣氛好casual， 加上啲waitress都好細心好有禮貌， 下次有機會再嚟😄😄
張貼
