金域冰廳

營業中

休息中

呢間茶餐廳位於旺角廣華街附近，非常之就腳，原本睇個樣以為係做遊客生意，但食落都真係唔錯。晚飯自己一個人嚟，叫咗一碟瑞士汁乾炒牛河，試吓廚房嘅炒嘢手勢。一上到黎就覺得鑊氣好夠，瑞士汁都算入咗河入邊，炒嘢嚟講，我會比唔錯嘅評價，絕對對得住個價錢。嘢飲都係嗌茶記最常嗌嘅奶茶，茶奶味平均都叫幾好飲。食嗰陣時係平日嘅晚上大概7:00 ，入邊其實真係唔多人，初頭入去嗰陣時都驚會中伏，但係食落都唔錯，價錢都算合理。仲有嘅就係侍應叔叔都幾nice，見到我食牛河主動問我要唔要辣椒醬。