尚點 小籠包.上海麵館 (元州商場) (已結業)

早前同屋企人去左尚點到食晚飯，叫左5樣野食 - 火腿津白、上海粗炒、上海小籠包、蟹粉炒年糕和蟹粉炒飯。屋企人對呢間餐廳都好滿意，覺得野食同環境都唔錯。我覺得呢間餐廳既野食都好好味，地方都好整潔和寬闊，而且員工服務態度都唔錯。我個人就最中意食蟹粉炒年糕，真係用新鮮既蟹整，而且非常多蟹粉，味道十分入味，食完都想再食，屋企人都好中意食。當蟹粉炒飯黎到個陣，係見唔到炒飯。蟹粉佈滿係炒飯面上，有好多蟹粉可以撈飯食，味道亦好好味，蟹粉味道唔會太淡太咸。 上海小籠包味道都好入味，一咬就有好多汁，而且小籠包皮亦唔太厚。 上海粗炒十分入味，配菜和肉亦好多。 火腿津白都唔錯，味道較淡，適合老人家口味。