Mr. Steak Grill (已結業)

落開銅鑼灣，就順便喺度食埋lunch。知道Mr. Steak Grill既lunch有semi-buffet，價錢又OK就黎試吓~自助salad bar選擇都算多，有生菜、蕃茄、青瓜、粟米、菠蘿、紅菜頭、荳芽、薯仔沙律、蘋果沙律等等，仲有芝士、煙三文魚、蝦、青口等，食完都飽左一半了。主菜係忌廉青口大蝦意大利飯, risotto尚算煙韌，個忌廉汁好好味，大蝦亦好爽口彈牙；分量一般，但味道都唔錯。輪到甜品喇, 有唔少選擇，樣樣都好似好好食咁！有焦糖燉蛋、tiramisu、朱古力蛋糕、曲奇餅、cheesecake等，全部都好好食，而且樣樣都細細件，可以試多幾款。雖然有dessert bar，但佢會額外送多個朱古力心太軟。個心太軟真係有朱古力流心架，好sweet好好味！最後到飲品，除左普通的奶茶咖啡之外，仲可以轉其他款既咖啡，唔洗加錢架！我點左一杯mocha，味道都幾特別！ 以哩個價錢包括沙律、主菜、甜品同餐飲，而且味道唔錯，又可以坐得舒舒服服，感覺幾好！