影片
更多
2005-08-13
19 瀏覽
九龍城泰菜館有好多間, 但呢間係我唯一一間一年入面幫襯超過廿次既泰菜食店, 好高興見到openrice 終於開左個page比佢, 我梗係要第一時間drop個message讚下佢啦。我認識呢間野係因為一年前同朋友去小曼谷食飯, 個時夜晚好多人要等位, 突然聽到有個阿叔大叫”對面個間仲好食啦, 又唔使等位”, 我聽到之後心諗落雨溼溼, 小曼谷又食過咁多次, 不如試下新野啦, 於是就同朋友起呢度食左第一餐飯, 點知食過一次就停唔到, 成日都想去食。呢度既裝修比較破舊(其實係冇裝修), 不過黎得九龍城食野都唔係為裝修啦, 呢度好在d野夠新鮮, 而且又好招呼, 唔收加一, 我黎咁多次一定會叫既有:蝦餅: 38蚊有8件, 炸得好爽口彈牙, 而且好乾身, 食完之後唔會見到一堆油起碟面, 而且食得出蝦既份量好多, 唔似其他食店一咪落面粉。燒雞: 如果冇記錯應該係45蚊半隻, 我估佢係先將雞煮熟左, 再拎去燒脆個外皮, 用冰鮮雞, 但係肉都依然好嫰, 更抵讚既係, 佢冇出現一般食店d雞厚肉地方唔熟血林林既問題, 點埋個汁好香好好味。辣椒膏炒蜆: 好睇季節, 夏天去食d蜆真係好大隻, 有成2吋闊, 個汁好
我認識呢間野係因為一年前同朋友去小曼谷食飯, 個時夜晚好多人要等位, 突然聽到有個阿叔大叫”對面個間仲好食啦, 又唔使等位”, 我聽到之後心諗落雨溼溼, 小曼谷又食過咁多次, 不如試下新野啦, 於是就同朋友起呢度食左第一餐飯, 點知食過一次就停唔到, 成日都想去食。
呢度既裝修比較破舊(其實係冇裝修), 不過黎得九龍城食野都唔係為裝修啦, 呢度好在d野夠新鮮, 而且又好招呼, 唔收加一, 我黎咁多次一定會叫既有:
蝦餅: 38蚊有8件, 炸得好爽口彈牙, 而且好乾身, 食完之後唔會見到一堆油起碟面, 而且食得出蝦既份量好多, 唔似其他食店一咪落面粉。
燒雞: 如果冇記錯應該係45蚊半隻, 我估佢係先將雞煮熟左, 再拎去燒脆個外皮, 用冰鮮雞, 但係肉都依然好嫰, 更抵讚既係, 佢冇出現一般食店d雞厚肉地方唔熟血林林既問題, 點埋個汁好香好好味。
辣椒膏炒蜆: 好睇季節, 夏天去食d蜆真係好大隻, 有成2吋闊, 個汁好香椰子咪, 小小辣, 撈飯一流, 個人覺得做得比小曼谷更好食。
香草田雞腿: 好重香料, 連埋一d炸過既唔知咩香葉上碟, 上菜是好勁香味, 田雞腿細細隻, 食下食下好快就冇哂, 唯一唔好既係食完會幾口乾。
炒金邊粉: 強烈推介之作, 30蚊, 上時有生芽菜, 辣粉, 碎花生及炸蒜頭碎伴碟, 可以自己選擇撈唔撈, 個粉炒得夠乾身, 甜甜地, 好好食。
芋頭焗飯: 呢個又係推介之作, 個焗飯好香, 伴飯既有雜豆, 肉碎, 芋頭, 蝦, 加埋個薄薄既汁撈飯, 次次都好快清, 唯一要彈既就係芋頭唔夠粉, 要扣少少分。
醃粉絲沙津: 第一次食之前以為淨係得粉絲肉碎, 估唔到係有海鮮的, 有尤魚, 蝦, 青口, 紅色蝦毛仔, 酸酸地好開胃, 不過都幾辣, 唔食得辣既朋友就諗諗先好叫啦。
香茅師奄: 叫之前以為係好似炒蜆咁連殼上, 點知原來佢幫我地去埋殼, 但碟頭就一樣咁大, 相對之下就抵食好多好多, 師奄肉冇蜆咁大粒, 但就一樣好新鮮。
生蝦刺身: 30幾蚊有8隻生蝦, 幾平, 但d蝦真係唔夠彈牙, 呢一咪真係起水準之下。
芒果沙冰: 水準時好時壞, 一係太淡一係太甜, 不過我諗係芒果季節性問題?
對未試過既朋友黎講, 都係一間食得過既食店, 除左裝修比較失分之外, 食物質素, 衛生, 招呼都有90分以上, 價錢又比同街既其他食店平, 冇時間去泰國但又想食下正宗泰國野既話, 呢間係一個唔錯的選擇。
張貼