顯徑車仔麵 (已結業)

每個星期日都會落街覓食，今次係第一次堂食呢間車仔麵。。。。好彩天氣唔算熱，所以我哋選擇咗坐出面。今次我哋一個叫咗車仔麵一個試新野👉🏻香煎手打肉餅煎蛋飯。先講車仔麵，賣相好吸引，湯底唔太鹹味道適中，午餐肉又香又脆，滷水豬大腸勁入味，瑞士汁雞翼亦都好入味，魷魚就不過不失。奶茶黎講，呢度算係唔錯。好過好多茶餐廳。再嚟香煎手打肉餅煎蛋飯，嚟到未食已經覺得好好食，因為賣相實在太吸引，留心半熟蛋，再加上薑蔥，肉餅勁大塊，唔好見到以為好鹹，就算就咁食都冇問題。不過如果鍾意重口味可能會覺得佢有啲淡。總括來講係可以再encore嘅一間街坊食堂。