影片
更多
2013-12-17
80 瀏覽
朋友之前參加咗個活動，獲邀請試食餐廳入面嘅Tasting Menu，所以拉埋我一齊去~~成個Set一共有六道指定菜，有頭盤、餐湯、副菜、餐飲、主菜、甜品。頭盤：「油甘魚刺身粒」配「青蘋果Wasabi雪葩」，青蘋果味道本身已經好清新，加上Wasabi，入口時涼浸浸，極之開胃！餐湯：「火腿忌廉濃湯」，湯味道Okay；值得一提嘅反而係湯上面加咗啲鍋巴，食落脆脆地，幾有口感。副菜：雞脾肉 Risotto ，味道非常濃郁，份量剛剛好，食完成份都唔會覺得太”漏”！餐飲：波羅花雕酒梳打，飲落酸酸甜甜，但唔係好飲得出個酒味，只可以當係一杯普通嘅波羅汁Soda。主菜：西班牙黑毛豬豬頸肉分子料理，呢度菜將每樣嘅食材都分拆咗出黎：豬頸肉件、洋蔥粒、青椒粒、炸面包糠…etc，加埋一齊食其實就係「咕嚕肉」，幾好食，不過賣相可以再靚啲~~~甜品：一款三式都係椰子做嘅，有椰青Jelly、椰汁「流心蛋」 & 椰糖雪糕，鍾意食椰子嘅人一定好 like！
成個Set一共有六道指定菜，有頭盤、餐湯、副菜、餐飲、主菜、甜品。
頭盤：「油甘魚刺身粒」配「青蘋果Wasabi雪葩」，青蘋果味道本身已經好清新，加上Wasabi，入口時涼浸浸，極之開胃！
餐湯：「火腿忌廉濃湯」，湯味道Okay；值得一提嘅反而係湯上面加咗啲鍋巴，食落脆脆地，幾有口感。
副菜：雞脾肉 Risotto ，味道非常濃郁，份量剛剛好，食完成份都唔會覺得太”漏”！
餐飲：波羅花雕酒梳打，飲落酸酸甜甜，但唔係好飲得出個酒味，只可以當係一杯普通嘅波羅汁Soda。
主菜：西班牙黑毛豬豬頸肉分子料理，呢度菜將每樣嘅食材都分拆咗出黎：豬頸肉件、洋蔥粒、青椒粒、炸面包糠…etc，加埋一齊食其實就係「咕嚕肉」，幾好食，不過賣相可以再靚啲~~~
甜品：一款三式都係椰子做嘅，有椰青Jelly、椰汁「流心蛋」 & 椰糖雪糕，鍾意食椰子嘅人一定好 like！
張貼
