影片
更多
2007-04-08
37 瀏覽
四個人共五道海鮮，加一碟菜。另送海鮮湯及生果。海鮮買左四百幾蚊，隔鄰的美和海鮮檔是聯營的，海鮮檔亞校董老闆三哥好好人，又送蟶子又教揀鮮常識。1. 椒鹽瀨尿蝦兩隻：$9兩幾扺食，兩隻都係百五蚊左右，啖啖肉。2. 白灼海蝦：原來淺色d無晒太陽就叫海蝦（o係琴晚電視節目度學的），平日價錢應大概$80-$90一斤，我地買就$80/斤，叫左半斤。3. 果皮蒸大連鮑魚：三哥為左俾我地分辨野生鮑同養鮑，特登送左一隻養鮑俾我地試下，大連鮑約$2x一隻，不過我唔食鮑魚，唔知有咩分別。4. 豉椒蟶子皇：三哥又送左四五隻小蟶子俾我地，我個人覺得蟶子皇較爽口，小蟶子肉不太結實，但家人就覺得無乜分別；5. 薑葱炒花蟹：無乜特別，可能全檯都係懶人，唔係太鍾意食蟹，嫌佢麻煩肉少。三哥其實好積極推稍我地食重皮蟹，但家人都係婉拒左。鯉魚門全部都係自來海鮮另收煮工，呢間酒家收$65一位算係中價啦，門面最豪的有船仔標誌的南大門要$80呢！但快樂的裝修都唔錯，假日下午去食又無咩人，食得幾悠閒！總括而言，去鯉魚門食海鮮又唔算太遠，幾方便，仲可以順道買下零食手信（俾自己）。幾好。
另送海鮮湯及生果。
海鮮買左四百幾蚊，隔鄰的美和海鮮檔是聯營的，海鮮檔亞校董老闆三哥好好人，又送蟶子又教揀鮮常識。
1. 椒鹽瀨尿蝦兩隻：$9兩幾扺食，兩隻都係百五蚊左右，啖啖肉。
2. 白灼海蝦：原來淺色d無晒太陽就叫海蝦（o係琴晚電視節目度學的），平日價錢應大概$80-$90一斤，我地買就$80/斤，叫左半斤。
3. 果皮蒸大連鮑魚：三哥為左俾我地分辨野生鮑同養鮑，特登送左一隻養鮑俾我地試下，大連鮑約$2x一隻，不過我唔食鮑魚，唔知有咩分別。
4. 豉椒蟶子皇：三哥又送左四五隻小蟶子俾我地，我個人覺得蟶子皇較爽口，小蟶子肉不太結實，但家人就覺得無乜分別；
5. 薑葱炒花蟹：無乜特別，可能全檯都係懶人，唔係太鍾意食蟹，嫌佢麻煩肉少。三哥其實好積極推稍我地食重皮蟹，但家人都係婉拒左。
鯉魚門全部都係自來海鮮另收煮工，呢間酒家收$65一位算係中價啦，門面最豪的有船仔標誌的南大門要$80呢！但快樂的裝修都唔錯，假日下午去食又無咩人，食得幾悠閒！
總括而言，去鯉魚門食海鮮又唔算太遠，幾方便，仲可以順道買下零食手信（俾自己）。幾好。
張貼