瀛素食 (已結業)

成日經過，見佢裝修麻麻，諗住實係普通料啦，所以一直都無咩心想去食。呢日經過特然想入去食喎，咁就叫埋朋友一行４人去，當時晚上８點半，差唔多滿座。我地一座低，老細好熱情問我地食過未，我地話無，咁佢就介紹胡椒喉頭菇鹹菜浸雲吞同埋日式海鮮比薩，好啦我地就試呢倆個胡椒喉頭菇鹹菜浸雲吞 ($78)白白既湯底，好好飲喎，用咩做架呢？老細話係廚師既秘方，重有好香既胡椒味，雲吞好大隻，雲吞皮好滑，正呀！果然無介紹錯 。香芒帶子炒飯 $52飯炒得一粒粒唔會爛，亦唔會肥膩，炒得好香口，不過，我地好辛苦先搵到幾粒細細既芒果肉，芒果好貴咩？炒白菜,味道普通日式海鮮比薩 $88唔係老板極力推廌真係唔會係素食館食比薩，係我來講食比薩要去 PIZZA HUT 先岩出乎意料之外喎！好好味呀！批底勁鬆脆呀！，有車厘茄、冬菇、洋蔥、青椒在內，好香脆，我地個個一面食一面讚，老細又係無介紹錯啊！腰果糊應該係即磨既，因為我地等左好耐，好香腰果味而又濃濃的糊，好有 heart ！讚！我地大家講好會再去架！