臺坊

營業中

休息中

話說呢間食店都喺樓下開咗一段時間，主打食台灣嘢。而我自己就覺得台灣嘢比較濃尾唔太啱自己嘅口味。所以一路都比較少食，今日又適逢要叫外賣做午餐。喺樓下逛咗一陣之後決定試吓呢間台食餐廳。今日點左手撕雞肉燥飯。首先講佢啲手撕雞，係真係撕到好碎，方便入口，雞味唔算太濃但亦都會食得出有雞味。肉燥就比較香口，配合白飯嚟食可以話一流。凍檸水少甜，我自己好怕飲台灣嘢因為全部都好甜。所以杯檸茶叫咗少甜，而佢嘅味道就係普通嘅凍檸水。