南山軒 (已結業)

第一次嚟呢間私房菜...估唔到咁多人!!! 專用停車場都幾入...而且位唔多...爆晒...又唔敢o係村度周圍泊...好彩咁o岩有車走~ 最勁係到滿口勁多人!!! 星期日午市1點去到要等5張檯!!! 真係犀利!!! 呢度室外o既範圍都加o左頂同冷氣...所以都唔算熱同埋坐得都算舒服~ 我地4大人1小孩叫o左4個午餐set...最好味係梅菜扣肉~ 好林好入味~ 雖然肥肉較多...但真係好林~ 好彩人多...一人食一件無咁guilty~ 咖哩牛腩都唔差~ 如果d腩切細舊d會仲開心~ 比較上係椰汁味較重o既咖哩~ 少少辣~ 乾炒牛河同肉絲炒麵味道都偏淡~ 我覺得好呀...起碼唔係落超多味精!!!見到隔離檯杯奶茶入面有d冰...後來先知係 "南山冰茶"~ 下次要下午茶時間嚟~ 試我最鍾意o既burger先得~~~~