藝穗會Colette Artbar (裝修中)

之前有經過Fringe club都無發現原來入邊有餐廳，覺得幾適合俾行完展覽嘅人入去食飯同休息下。地方寬敞舒服，啲裝修又幾靚，仲有啲陽台位可以坐，夜晚或者等天氣無咁熱嗰陣坐嗰到食應該都幾有氣氛 今次係晏晝時段去，見到係食vegetarian buffet，本身個人無話特別鍾意食蔬菜，所以都無抱好大期望，但食落又發現幾唔錯喎！啲燉菜唔會話淡茂茂，沙律生果又新鮮多選擇，仲有蔬菜湯都好飲。除咗哩啲之外仲要讚下啲麵包同蛋糕出乎意料地好食，麵包同芝士有好多款任揀，麵包脆卜卜，蛋糕又軟熟好味，唔覺意食咗好多塊。另外仲有個bar檯喺側邊可以嗌嘢飲 成餐飯食得好放鬆舒服，素食健康得嚟又好味，經過不妨試下