一品螞蟻 (已結業)

今日去中環完成特別任務後，唯有獨自去偷食。貢下貢下黎到呢間一品螞蟻，入到黎安排我坐四人位同另一位女食客打對角坐，睇睇個餐牌見到冇骨海南雞，當然要試試佢。海南雞有三種醬汁，分別係黑豉油、辣醬同埋薑蓉，特別喜歡佢地黑豉油甜甜地又夠香。雞的份量算多，切成條狀易入口，雞肉嫩滑，雞皮同肉非常緊密，冇砌到散曬，連皮食真係一流。註：最怕海南雞砌到散收收，一夾就散，呢方面一品螞蟻做得非常好！碗油飯油而不膩，比較乾身，所以配碗清湯過你濕下喉嚨，配搭得宜！巧合的是打對角的女食客同樣是一個人，同樣是點了無骨海南雞，但女食客全去雞皮，實在有點浪費，何不及時行樂食左再算呢？