留家廚房 (已結業)

已經到咗午膳1點多，入去祇6、7檯客。服務員相當勤快，坐低就5分鐘唔使有茶。點咗個午餐，例湯加兩餸有糖水。先講例湯：粉葛鯪魚赤小豆湯。飲落覺得有啲唔妥，食落舊粉葛發覺有燶味！到餸係上湯蒜子津白及梅菜肉蒸豆腐。論味道豆腐好過津白，因為我懷疑上湯係史雲生。反而糖水係木瓜雪耳煮得幾潤，亦係我最滿意出品！綜觀收費為$145，以午餐及水平嚟睇我覺得有更好選擇！