川粵米線大王 (已結業)

今晚要去紅磡,自己想食麻辣米線所以一早已經上嚟搵資料,之後就搵到呢間去試一試。去到只係六點半,叫了一碗宮廷豬軟骨麻辣米線+蘿蔔(小辣),而七點之前仲有飲品送。其實本身湯底唔差,但係我想食麻辣就完全唔麻,只係一碗加了辣椒油的米線。豬軟骨份量多而味道亦唔錯,蘿蔔煮得好淋但係明顯係白煮。其實整體味道唔錯亦會再去,不過下次想食麻辣就唔會選擇呢度。