Cozy Cafe

營業中

休息中

周末晏起身，最佳延續呢種懶洋洋感嘅方法就係去享用一個美式早餐。似乎今日到依間 Cozy Cafe 係一個唔錯嘅選擇，Cafe 位置唔係向大街，而係消防通道間嘅內街，所以非常清靜；唔係住開依區或者要行個圈先搵到。店門留空門面洋溢著電影感十足嘅舒暢，眺望店內擺設亦充滿台式悠閒咖啡店感，走進店內白色高樓底與疏落嘅食客嘅畫面，自自然然瀰漫一種安逸嘅空間感，完全配合伸延今日嘅懶惰感。一般美式早餐嘅 All day breakfast 多數會超 heavy，今次依個早餐嘅份量原全係輕量化咗，兩片麵包只比梳打餅略厚，沙律菜份量亦小得有點可憐；不過香脆十足嘅薯餅不掛一絲油膉味，煙燻三文魚及又香又甜嘅台灣香腸幫依個早餐攞返唔小分，杯 hazelnut latte亦夠香夠滑。不過性價比嘅CP 值先係今餐最影響評分嘅地方，對美式早餐傳統印象係大份大件。建議餐廳考慮改改個餐名稱或者可以特出返個台灣香腸。雖然响落 Order 嘅時候已經用八達通支付咗今餐洗費，但係望返張單，是日懶洋洋嘅感覺就咁俾佢整醒咗。