26
14
4
等級2
19
0
商務午餐 (算係試菜啦)
2013-12-17 5857 瀏覽
講番今日金鐘太古廣場天一酒家既lunch, 我同老細先到, 用對方個名拎左台, 點左茶, 茶位係每位20, 佢一共有三個menu: set lunch, 點心紙 & 炒野, 老細話似美心喎!! 坐左一陣, 有個阿姐黎收左隻有漬既底碟, 老細問佢點解要收起既, 佢話係裝飾用, 所以要收.. (好似唔係好識解釋) finally 點左個2480既4人set.. 約半個鐘後, 對方先到, 點知被帶去坐左另一張老遠既台, 好彩老細見到佢地, 叫番佢地過黎坐, d 帶位無野下嘛??  帶自己個重要客人(對方係同天一有合作的夥伴)遊花園?? 個set 有九道菜, 睇下我記唔記得晒先.. 頭盤係乳豬.叉燒同燒鴨定鵝.. 唔錯既, 但係點解d 乳豬皮同乳豬肉要一橫一直咁放, 唔俾人一次過夾晒兩樣既, 即係肉係打橫放系底, 個面打直放番塊皮!! 然後係四款點心, 包括蝦餃. 蟹籽燒賣. 鮮菌唔知咩餃同埋羅漢x春卷, d 點心的確好味既, 尤其係o個兩款餃, 但係因為上菜實在太快, 放到通桌都係, 所以春卷無乜人食, 剩一半有多打包!! 第三味有得二揀一, 係紅燒花膠唔知咩燕窩.. 同埋迷你佛跳牆, 我地
更多
講番今日金鐘太古廣場天一酒家既lunch, 我同老細先到, 用對方個名拎左台, 點左茶, 茶位係每位20, 佢一共有三個menu: set lunch, 點心紙 & 炒野, 老細話似美心喎!! 坐左一陣, 有個阿姐黎收左隻有漬既底碟, 老細問佢點解要收起既, 佢話係裝飾用, 所以要收.. (好似唔係好識解釋) finally 點左個2480既4人set.. 約半個鐘後, 對方先到, 點知被帶去坐左另一張老遠既台, 好彩老細見到佢地, 叫番佢地過黎坐, d 帶位無野下嘛??
 帶自己個重要客人(對方係同天一有合作的夥伴)遊花園?? 個set 有九道菜, 睇下我記唔記得晒先.. 頭盤係乳豬.叉燒同燒鴨定鵝.. 唔錯既, 但係點解d 乳豬皮同乳豬肉要一橫一直咁放, 唔俾人一次過夾晒兩樣既, 即係肉係打橫放系底, 個面打直放番塊皮!! 然後係四款點心, 包括蝦餃. 蟹籽燒賣. 鮮菌唔知咩餃同埋羅漢x春卷, d 點心的確好味既, 尤其係o個兩款餃, 但係因為上菜實在太快, 放到通桌都係, 所以春卷無乜人食, 剩一半有多打包!! 第三味有得二揀一, 係紅燒花膠唔知咩燕窩.. 同埋迷你佛跳牆, 我地揀左佛跳牆, 好好味!! 再黎係蜜豆唔知咩菇牛柳粒, 牛柳同蜜豆都好食, 個牛柳好似幾重酒味囉, 食左兩舊唔知怕唔怕添!! 仲有南非22頭鮑魚, 好味, & 有個冬菇菜心加石斑柳, 因為上得太快, 掛住食佛跳牆同鮑魚, 到食斑既時候, 佢已經腥, 凍晒。跟住就係個經理俾我老細叫左過黎囉, 上菜上得太快喇
, 我地20分鐘唔洗已經食晒以上既菜色, 商務午餐上咁趕做乜, 唔俾人傾偈咩? 汗!! 叫佢上慢d, 佢就搵架車仔放晒系你背後, 唉!! 再黎係天一招牌炒飯, 即係鵝肝蟹肉蟹皇炒飯, 係食鵝肝囉, 無咩特別, dessert 係楊枝甘露仲有四色糕點, 包括芋頭糕. 椰汁紅頭糕, 類似綠豆蓉又似係蓮蓉既酥, 同理芒果cream卷.. haha 總結論係佢野食係幾好味既, 不過無咩特色, 係普通菜色, 可能係新開, 個裝飾點有漬, 營運管理都幾混亂下, d staffs未係好熟手, 唔係好知做咩, 未係好協調, 老細話最surprise係佢到最尾送既一set利是封囉, 個人認為packing靚, 里面就合格囉!! 同佢分店裝修一樣, only個門面靚, 入面合格而已!! 消磨左兩個鐘, 多謝$2,816!!
 
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2013-12-17
    用餐途徑
    堂食
    人均消費
    $704 (午餐)
    推介美食
    • 鮮菌素菜餃
    • 佛跳牆
    • 蜜豆牛柳粒