影片
更多
2024-03-19
1844 瀏覽
餐廳未開已經留意到呢間日本料理，等到餐廳開咗當然要嚟試試！可以隔住玻璃窗睇到廚師切魚生同整壽司，成個感覺都衛生企理，而餐廳有唔少拼盤同盛盒可供選擇，對選擇困難症嘅我非常友好🤓唔洗諗咁耐🤣▫️自選刺身盛盒 ($148)$148蚊有大拖、真鯛同甜蝦各兩片，刺身切得夠厚，更好咁保留魚生嘅鮮味，呢個價錢食到質素好嘅大拖真係冇得彈‼️▫️天婦羅盛 ($98)有三隻蝦同五款野菜，包括南瓜、茄子、冬菇、蕃薯同秋葵。外皮炸得金黃酥脆，入面就保持著嫩煮嘅口感，炸粉唔厚，食得返食材本身嘅鮮味，搭配蘿蔔蓉食落更加清爽，味道相互平衡，增添咗整體嘅層次感🤤▫️串燒拼盤 ($168)拼盤有牛肋肉、牛舌、豚五花肉、雞翼同雞腿肉，最推薦牛舌，厚切牛舌食落爽口彈牙，調味亦啱啱好🥳▫️明太子和風煎蛋卷 ($68)色澤金黃，蛋味濃郁，明太子夠鮮味亦唔會好鹹▫️燒魔鬼魚鰭叫咗燒魚乾嚟伴酒，魔鬼魚鰭燒到酥脆，點埋沙律醬更香口惹味，配酒簡直一流▫️粗磨果肉燒酎梳打本身唔諗住飲酒，但係見到餐廳有新品就一於試吓！我哋叫咗橙同青檸味，入面真係有果肉，果味香甜亦都飲到少少酒味🍶見到隔籬幾枱都食鍋物望落好吸引，下次嚟要再食😍
▫️自選刺身盛盒 ($148)
$148蚊有大拖、真鯛同甜蝦各兩片，刺身切得夠厚，更好咁保留魚生嘅鮮味，呢個價錢食到質素好嘅大拖真係冇得彈‼️
▫️天婦羅盛 ($98)
有三隻蝦同五款野菜，包括南瓜、茄子、冬菇、蕃薯同秋葵。外皮炸得金黃酥脆，入面就保持著嫩煮嘅口感，炸粉唔厚，食得返食材本身嘅鮮味，搭配蘿蔔蓉食落更加清爽，味道相互平衡，增添咗整體嘅層次感🤤
▫️串燒拼盤 ($168)
拼盤有牛肋肉、牛舌、豚五花肉、雞翼同雞腿肉，最推薦牛舌，厚切牛舌食落爽口彈牙，調味亦啱啱好🥳
▫️明太子和風煎蛋卷 ($68)
色澤金黃，蛋味濃郁，明太子夠鮮味亦唔會好鹹
▫️燒魔鬼魚鰭
叫咗燒魚乾嚟伴酒，魔鬼魚鰭燒到酥脆，點埋沙律醬更香口惹味，配酒簡直一流
▫️粗磨果肉燒酎梳打
本身唔諗住飲酒，但係見到餐廳有新品就一於試吓！我哋叫咗橙同青檸味，入面真係有果肉，果味香甜亦都飲到少少酒味🍶
見到隔籬幾枱都食鍋物望落好吸引，下次嚟要再食😍
張貼
