影片
更多
2017-12-20
262 瀏覽
通常開係商場入面既懷舊野都會比人一種會中伏既感覺，一黎無個種街坊味，唔夠貼地，但係有時候有d野又唔可以蓋棺定論，好似今日9fing fing入呢間羅麥記食，就比到我真係有種懷舊冰室感覺。講個裝修先，其實個裝修全部行懷舊風，好多以前八、九十年代d懷舊燈牌、卡位、舊式霓虹燈跟曬以前既風格，剩係呢d位可以一讚，不過開得係商場就點都會少咁個叫你縮腳既掃地阿姐（搏投訴咩），咁唔怪得人既，始終商場舖係商場舖，裝修都肯比誠意仲想點。其次要講下我最欣賞既野食啦，拿由於個日我單拖去，所以我剩係叫左個瑞士汁雞翼撈面同埋阿華田多士。夠啦，再食又比人話肥。呢個瑞士汁撈面，你以為開係大場一定係味道欠奉，食裝修姐，但又比到驚喜我wo，佢個汁應該唔止就咁落瑞士汁落去，撈落去係有好重雞汁香味同埋有少少麻油吊味，雞翼就炆到入曬味ga啦，平時係茶餐廳食都可能話要加汁先夠味，但呢個真係唔洗，個麵吸收曬瑞士汁同雞汁好開胃，三兩下手勢我就食曬d麵，剩底四隻雞翼慢慢嘆（幾時都話好味既野留到最後）阿華田多士一上檯係有少少比佢嚇親，一黎我無諗過佢咁大份，二黎我無諗過佢咁重粉，本身諗住一定又乾又鞋啦，但原來個多士本身落牛油烘過（有適量
講個裝修先，其實個裝修全部行懷舊風，好多以前八、九十年代d懷舊燈牌、卡位、舊式霓虹燈跟曬以前既風格，剩係呢d位可以一讚，不過開得係商場就點都會少咁個叫你縮腳既掃地阿姐（搏投訴咩），咁唔怪得人既，始終商場舖係商場舖，裝修都肯比誠意仲想點。
其次要講下我最欣賞既野食啦，拿由於個日我單拖去，所以我剩係叫左個瑞士汁雞翼撈面同埋阿華田多士。夠啦，再食又比人話肥。
呢個瑞士汁撈面，你以為開係大場一定係味道欠奉，食裝修姐，但又比到驚喜我wo，佢個汁應該唔止就咁落瑞士汁落去，撈落去係有好重雞汁香味同埋有少少麻油吊味，雞翼就炆到入曬味ga啦，平時係茶餐廳食都可能話要加汁先夠味，但呢個真係唔洗，個麵吸收曬瑞士汁同雞汁好開胃，三兩下手勢我就食曬d麵，剩底四隻雞翼慢慢嘆（幾時都話好味既野留到最後）
阿華田多士一上檯係有少少比佢嚇親，一黎我無諗過佢咁大份，二黎我無諗過佢咁重粉，本身諗住一定又乾又鞋啦，但原來個多士本身落牛油烘過（有適量起碼唔會乾）加上煉奶、同埋面頭大量阿華田粉，係無想像中乾，反而係互相配合到，我就覺得啱啱好啦，係大份左d食完有d罪咎感。
埋齋係奶茶紅豆冰，奶茶本身唔係用茶味好重好澀個隻茶，有d人或者會覺得唔夠正宗，但係我自己係鍾意淡口d既，所以呢杯野老實講佢好睇個人口味，如果鍾意重口既就叫檸樂、檸七個d會仲爽。
總括而言，野食算係咁啦，宜家商場越開越多係方便左人搵餐廳、聚會食飯既，如果要食懷舊味道但本身住個頭少舊區既，都可以黎呢度試下。
張貼
